11:54 સાક્ષી રહેજો કે હું અલ્લાહના સિવાય બધાથી વિમુખ છું...
પારા નંબર:- 12| (11). સુરહ હુદ
આયત નં.:- 54
====================
اِنۡ نَّقُوۡلُ اِلَّا اعۡتَـرٰٮكَ بَعۡضُ اٰلِهَتِنَا بِسُوۡٓءٍ ؕ قَالَ اِنِّىۡۤ اُشۡهِدُ اللّٰهَ وَاشۡهَدُوۡۤا اَنِّىۡ بَرِىۡٓءٌ مِّمَّا تُشۡرِكُوۡنَ (54)
(54). "પરંતુ અમે તો એમ જ કહીંએ છે કે અમારા કોઈ મા'બૂદ(દેવતા) નો શ્રાપ લાગી ગયો છે", તેમણે (હુદ અ.સ. એ) જવાબ આપ્યો: "હું અલ્લાહને સાક્ષી બનાવું છું અને તમે પણ સાક્ષી રહેજો કે હું અલ્લાહના સિવાય તે બધાથી વિમુખ છું જેને તમે ભાગીદાર બનાવી રહ્યા છો".
•┈┈┈┈••✦✿✦••┈┈┈┈•
તફસીર(સમજૂતી)
•┈┈┈┈••✦✿✦••┈┈┈┈•
"કોઈ મા'બૂદ(દેવતા)નો શ્રાપ લાગી ગયો છે" એટલે કે તું જેવી રીતે અમારા દેવતાઓનું અપમાન કરે છે કે આ કંઈપણ કરી શકતા નથી, તો માલૂમ એવું થાય છે કે અમારા દેવતાઓએ તારા આ અપમાન પર તને કંઈક કરી દીધું છે અને તારું દિમાગ ખરાબ થઈ ગયુ છે.
જેમ કે આજના નામના મુસલમાનો પણ આ પ્રકારની અંધશ્રદ્ધાનો ભોગ બન્યા છે જ્યારે તેમને કહેવામાં આવે છે કે આ મૃત વ્યક્તિઓ(પીરો-ફકીરો) અને બુઝર્ગો કંઈ કરી શકતા નથી ત્યારે તેઓ કહે છે કે આ તેમની ગરિમામાં અપમાન છે અને આવી રીતે અપમાન કરનારાઓને ખતરો છે કે તે ડુબી જશે.
(نعوذ باللہ من الخرافات والاکاذیب۔)
"હું અલ્લાહના સિવાય તે બધાથી વિમુખ છું " એટલે કે, હું આ બધી મૂર્તિઓ અને દેવતાઓથી વિમુખ છું અને તેઓએ મારી સાથે કંઈક કર્યું છે એવી તમારી માન્યતા તદ્દન ખોટી છે, તેઓ કોઈને પણ અલૌકિક રીતે લાભ કે નુકસાન પહોંચાડવાની શક્તિ ધરાવતા જ નથી.