11:43 ઘમંડી પુત્રનો...ઘમંડવાળો જવાબ...
પારા નંબર:- 12| (11). સુરહ હુદ ]*
આયત નં.:- 43
====================
قَالَ سَاٰوِىۡۤ اِلٰى جَبَلٍ يَّعۡصِمُنِىۡ مِنَ الۡمَآءِؕ قَالَ لَا عَاصِمَ الۡيَوۡمَ مِنۡ اَمۡرِ اللّٰهِ اِلَّا مَنۡ رَّحِمَۚ وَحَالَ بَيۡنَهُمَا الۡمَوۡجُ فَكَانَ مِنَ الۡمُغۡرَقِيۡنَ (43)
(43). તેણે(નૂહના પુત્રએ) વળતો જવાબ આપ્યો, ''હું હમણાં એક પર્વત ઉપર ચઢી જવાનો છું જે મને પાણીથી બચાવી લેશે.'' નૂહે કહ્યું, ''આજે કોઈ વસ્તુ અલ્લાહના અઝાબથી બચાવનારી નથી, સિવાય કે અલ્લાહ જ કોઈના ઉપર દયા કરે.'' એટલામાં એક મોજું બંનેના વચ્ચે આવી ગયું અને તે(નૂહનો પુત્ર) પણ ડૂબનારાઓમાં સામેલ થઈ ગયો.
•┈┈┈┈••✦✿✦••┈┈┈┈•
તફસીર(સમજૂતી)
•┈┈┈┈••✦✿✦••┈┈┈┈•
પિતાની ઈચ્છાનો અસ્વીકાર કરતા હઠીલા પુત્રએ કહ્યું કે તે પર્વત પર ચડીને પોતાનો જીવ બચાવી લેશે. તેને ખ્યાલ પણ ન હતો કે પાણી એટલું ઊંચુ જશે કે તે આ પહાડને પોતાની અંદર છુપાવી દેશે.
નુહ(અ.સ.)એ તેને કહ્યું: હે મારા પુત્ર, તને શું થયું છે કેવા વહેમમાં છું? આ કોઈ નાનું અમથું પૂર નથી પણ અલ્લાહનો અઝાબ છે અને પહાડની તો શું હેસિયત છે? આજે અલ્લાહના અઝાબમાંથી કોઈ પણ કોઈને બચાવી શકવાનું નથી. સિવાય તેને જેના પર અલ્લાહ પોતે જ રહેમ કરીને બચાવી લે, આ વાતચીત હજી પૂરી થઈ ન હતી કે એક જોરદાર મોજું ઊછળ્યું જે નૂહના પુત્ર તરફ વળ્યું અને નૂહ(અ.સ.) અને તેમના પુત્રને એકબીજાથી હંમેશ માટે અલગ કરી દીધા અને નુહનો આ કાફિર અને અવજ્ઞાકારી પુત્ર તેની નજર સામે પૂરમાં ડૂબી ગયો અને એક મહાન પયગંબર નુહ(અ.સ.) પણ તેમના પુત્રની કોઈ મદદ કરી શક્યા નહીં.