11:20 કાન અને આંખો હોવા છતાંય સત્યને ન સ્વીકારવાનું પરિણામ...
اُولٰٓئِكَ لَمۡ يَكُوۡنُوۡا مُعۡجِزِيۡنَ فِى الۡاَرۡضِ وَمَا كَانَ لَهُمۡ مِّنۡ دُوۡنِ اللّٰهِ مِنۡ اَوۡلِيَآءَ ۘ يُضٰعَفُ لَهُمُ الۡعَذَابُ ؕ مَا كَانُوۡا يَسۡتَطِيۡعُوۡنَ السَّمۡعَ وَمَا كَانُوۡا يُبۡصِرُوۡنَ (20)
(20). ન તેઓ દુનિયામાં અલ્લાહને હરાવી શક્યા અને ન તેમનો કોઈ રક્ષક અલ્લાહના સિવાય હશે, તેમના માટે અઝાબ બમણો કરવામાં આવશે, તેઓ ન તો સાંભળવાની તાકાત રાખતાં હતાં અને ન તો જોવાની.
•┈┈┈┈••✦✿✦••┈┈┈┈•
તફસીર(સમજૂતી)
•┈┈┈┈••✦✿✦••┈┈┈┈•
એટલે કે હક(સત્ય) પ્રત્યેનો તેમનો દ્વેષ અને તેમની નફરત એટલી હદે પહોંચી ગઈ હતી કે તેઓ હક(સત્ય)ને જોઈ અને સાંભળી પણ શકતા ન હતા અથવા તેનો અર્થ એ થાય કે અલ્લાહે તેમને કાન અને આંખો તો આપી હતી પરંતુ તેઓએ તેનાથી ન કશું સાંભળ્યું અને ન કશું જોયું. તેથી જ ફરમાવ્યું:
فَمَآ اَغْنٰى عَنْهُمْ سَمْعُهُمْ وَلَآ اَبْصَارُهُمْ وَلَآ اَفْــِٕدَتُهُمْ مِّنْ شَيْءٍ
"ન તેમના કાનોએ તેમને કોઈ ફાયદો આપ્યો, અને ન તેમની આંખો અને દિલે" (સુરહ અહકાફ:-26)
કારણકે તેઓ હક(સત્ય) સાંભળવાથી બહેરા અને હક(સત્ય) જોવાથી આંધળા બનીને રહ્યા જેમ કે જહન્નમ(નર્ક) માં દાખલ થતી વખતે કહેશે:
لَوْ كُنَّا نَسْمَعُ اَوْ نَعْقِلُ مَا كُنَّا فِيْٓ اَصْحٰبِ السَّعِيْرِ
જો અમે સાંભળતા અને અકલથી કામ લેતાં તો આજે જહન્નમ(નર્ક) માં ન જતાં (સુરહ મુલ્ક:-10)